EIKHOIGI THAJABA

1. ASENGBA SASTRA

Eikhoina thajei madudi Esorna eikhoida Mahakki wahei, Ariba amasung Anouba walepnaba gi lairik 66 yaoba Bible da Mahak Masabu ut-thokpi. Bible asi mapung phana, top-topna, Esorgi pangalna, amasung angakpa maongda ehallaba Esorgi waheini. Masi Esorgi Thawai Asengbagi insinbibagi mapalna meesingna ekhibani. Eikhoi asi loiba naiba amasung pap chenbasing oiba maramna, eikhoina Esorgi achumba asi mapung phana khangba ngamde, adubu Thawai Asengbagi khanghanbibagi thabak adugi matenggi mapalna Bibleda ut-thokpiraba Esorgi achumba adu mayek chumna khangba ngammi. Bible asi Khristagi seboksing eikhoigi thajabagi amasung punsigi gi khwaidagi maru oiba, aranba amatta yaodaba, asoiba amatta leitaba, mapung pungpha-pharaba, Esorgi pangalgi mapalna thajaba yana matik leiraba, amasung aroiba pathap amakhak aduni. Maram asina, Bible gi mapung pharaba amasung aroiba oiraba phongdokpiba asidagi hendokna atei makha tana phongdokpibagi kannaba leitre. Meeoibagi lichat-sajatsing, thajabasing, amasung wakhallonssing bu Esorna wayennanaba khwaidagi wangna matik leiba pathapni.
(2 Tim. 3:16; 2 Peter 1:20-21; Ps. 119:18; 1 Cor 2:12; Ps. 19:7; Is. 55:10-11; Matthew 24:35; Rev. 22:18-19; Prov. 30:5-6; Heb. 4:12-13)

2. AMATA NGAIRABA ACHUMBA ESOR AMASUNG AHUMNA AMAKHAK OIBA ESOR.

Achumba amasung ahingba Esor amakhak lei haibasi eikhoina thajei. Mahakti loiba naide, adukki matik chaowi, semlakpa natte, lomba naide, khwaidagi singba, hakchang amasung kayat yaodaba lousing leiba Thawaini. Mahak asi pot khudingmakpu sembiba, sarga amasung malembu matik leina wayenbiriba Mapuni. Mahak asi asengbada haining-ngai leitana matik mangal chaowi amasung eikhoigi thajaba, khurumba, ekai khumnaba, amasung thougal pibada matik chabani. Mahak asengba, achumba, lousing, minungsi, nungsiba da hongba leitaba Esorni aduga Mahakki mapung phaba khudingmakta hiram khudingmak Mahakki matik mangalgidamakta touwi. Mahakki thoujalda masabu phongdokpidrabadi papchenba meeoibasingna Esorbu khangba ngamde.
Achumba Esor asi meeoi ahum -Mapa, Machanupa, amasung Thawai asengba, oina mapham amattada matam amattada amatta oina lei. Esorgi matik mangalgidamakta eikhoigi arankhubam asibu mapung phahanbada ahumna amatta oiba Esorgi meeoi ahum asigi tongan-tonganba thoudangsing adubu mapung phana amatta oiba maram (purpose) lei.
(Deut. 6:4; Is. 40:28; Rev. 4:11; Is. 6:3; Num. 23:19, Jas. 1:17; Is. 48:9,11; Rom. 3:11)

3. MAPA ESOR

Eikhoina thajei madudi Mapa Esor, Ahumna amatta oiba Esorgi ahanba meeoi na hiram khudingmakpu Mahakki ningbiba amasung thoujalgi matung inna sil-langbi. Mahak asi pot khudingmakpu sembiba Mapuni. Matik leiba amasung pangalda lamba amatta leitraba atiya malem pumnamakta panba amatta ngairaba wayenba ama oina, leisembada, ngakpi-senbiduna yok thakpibada, amasung handokpibada Mahakna engam ngammi. Mahakna Mapa oibasi Ahumna Ama oiba Esor gi manungda leiba mahakki phamda amasung meeoibaga Mahakka leinaba mari, ani asida oi. Leisemba oina, Mahak asi meepum khudingmakta mapani, adubu thajabasing khaktada Mahak thawaigi Mapani. Matam pumnamakta thoklak-oirakkadaba hiramsing pumnamak adu Mahakki matik mangalgidamak hannadagi Mahakna lepkhre. Mahakna khutsem khudingmakpu amasung thoudok khudingmakpu leppa leitana paibiri, maikei ngakli, aduga matik leina ngak senbiri. Mahakki engam ngamba aduga Mahak asi papki hourakpham nattraga touhalliba ama natte aduga Mahakna wakhal khanba amasung lousing leiba khutsemsinggi sakhi adubu thawoidaba leite. Mahakna lomba naidaba mamanggeidagi kanabu Mahakki oigani haiba adu hannana thoujalda khandokpikhre; Mangonda Jisu Khristagi mapalna lakpa pumnamakpu paptagi kanbi; Mahakna Mangonda lakpa makhoi pumnamakpu Mahak Masagidamakta yokpi; aduga Mahakna, yokpipagi mapalna, Mahakki meesingda Mapa oi.

(Psalms 145:8-9; 1 Cor. 8:6; Genesis 1:1-31; Ephesians 3:9; Psalm 103:19; Romans 11:36; Ephesians 4:6; Romans 8:14; 2 Corinthians 6:18; Ephesians 1:11; 1 Chronicles 29:11; Habakkuk 1:13; John 8:38-47; 1 Peter 1:17; Ephesians 1:4-6; John 1:12; Romans 8:15; Galatians 4:5; Hebrews 12:5-9)

4. MACHA NUPA ESOR

Eikhoina thajei madudi Jisu Khrista, ahumna ama oiba Esorgi anisuba meeoi, asi Khrista amasung Esorgi Machanupa ni. Mahak khaktamak Asengba Esor ama adugi saiyonlakpa, Esorbu meeoiba singda mapung phana phongdokpiba aduni. Jisu Khristada wangthoiraba Esor adu eikhoigi erakta leiminnaba oire. Prabhu Jisu Khrista asi awoibamak Esor aduga awoibamak meeoibani. Mahak Thawai Asengbana mirolhanba, asengbi leisabina pokpani, pap amatta yaodaba punsi hingkhi, cross mathakta pappisinggi mahutta sikhi (Mahutsinduna dandidagi handokpiba/ Penal Substitutionary Atonement), makhoigi papki mathakta leiba Esorgi asaoba adu pubikhi (pelhanbagi eratpot/propitiation), Mahakki ee gi mapalna makhoibu handokpikhi. Humni suba numitta asibadagi Mahak hinggatkhi, sargada kakhi, Mapagi yet thangbada phamduna, meeoiba amasung Esorgagi marakta sangdainabiba oina Mahakkhaktamak lei. Mahakki Mapagi maphamda Mahakki meesinggidamakta leppa leitana Mahakna haijari.

(Mk. 1:1; Jn. 1:14, Col. 1:15-16; Jn. 1:18; Matt. 1:20; 2 Cor. 5:21; 1Jn. 2:1; Eph. 1:7; Acts 2:23-24; Acts. 1: 10; Heb. 1:3; 1 Tim. 2:5; Rom. 8:34)

5. THAWAI ASENGBA ESOR

Eikhoina thajei madudi Thawai Asengba asi sargadagi Mapa Esor amasung Machanupa Esorna Khristabu matik mangal chaohannaba, amasung meesinggi punsida arankhubam gi thabak subinaba tharakpani. Mahakna pappisingbu makhoigi maral khanghalli, nouna pokhalli (nouna pokpa/regeneration) amasung Esorgi waheigi achumba bhap taba adu pinabi. Asengba thajaba khudingmak Esorgi Thawai Asengbana eruplaba meesingni, aduga Mahakna makhoiga leiminnei, arankhubam phangbagi sakhi pi, amasung Esorgi waheigi matung inna hingba Esor ningbagi punsi adu hingba ngamhalli. Mahakna thajabasingbu Khristagi hakchangda pusillak-e, singlup semgatli aduga mee singbu Esor khurumbada, thougal toubada, amasung missions gidamakta pangal pibi, thouna happi. Hairiba asi Mahakna singluppu Esorgi aningbagi matung inna sagatnaba singlup manung aduda leiriba tongan-tonganba meesingda tongan-tonganba khudolsing pibi.

(Jn. 14:26; 15:26; 16:8; 3:5; 1 Cor. 12:13; 6:19; Rom. 8:13-14; Eph. 5:18-20; 1 Cor. 12:4-6)

6. MEEOIBA

Eikhoina thajei madudi meeoiba asi Esorna Mahakmakki meetam louduna, amasung pap amatta yaodana sembikhi. Esorna meeoiba asibu nupa amasung nupi khak oina sembikhi, ekai khumnabada amasung mamal leibada chap manana, adubu Esorna ahoubada sembibagi maong matou adu utthoknaba tonganba thoudangsing pibi, aduga hairiba asi meeoibagi phananaba amasung meeoibana maroi manao tana pannanabani. Meeoibana leibagi thoidokpa maramdi Esor Mahakpu khurumduna, Mahakki haiba induna, nungsiduna amasung Esor ga nungaina loinabagi mapalna Esorbu matik mangal chaohannabani. Adubu satan na thembagi mapalna, meeoibana Esorgi maiyokta pap toukhre amasung papna maram oiduna, eikhoigi thamoigi aningba amasung khoidajabasing adu sengdre, aduga eikhoigi lamchat-sajat adu mangthokkhre (mapum oina leikha taraba/ total depravity). Eikhoigi sajat-lichatta amasung thabak-thouwongda eikhoi pappising oire. Pukning hongdaba meeoi khudingmak Esorgi mapung phaba, phangpham thokpa, dharmachenba, amasung lomba naidaba asaoba adugi makhada mangduna leirabani. Eikhoina hainingai leina eikhoigi papsinggi kokpiba amasung asengba Esorda sandainabiba adugi mathou tai.

(Gen. 1:26-27; 2:18; Ps. 37:4; Rev. 4:11; Gen. 6:5; Rom. 5:12; 1 Jn. 1:8,10; Rom. 1:18; Eph. 2:3; Heb. 9:27)

7. ARANKHUBAM

Arankhubam asi thawairomda nouna poklaba, papsinggi atoumandagi kokpiba phanglaba, achumba Esorga sangdainaraba, manungthangba thawaigi oiba asengba ingthaba adu phangduna khanglaba, amasung lomba naidaba hingbagi thajaba leiraba (hingbagi matungda hingba) adubuni.

Eikhoina thajei madudi, arankhubam asi thoujalkhakki mapalna, Khrista khaktada, thajaba khakki mapalnani. Masi eikhoigi thabak amattana natte (chatnabigi, dharmagi, aphaba wakhallon, aphaba lichatlon, esagi hotnajaman). Arankhubam gi thabak asi Prabhu Jisu Khristana Mahakki pap yaodaba mapung phaba punsi, cross mathakta handokpibagi usil oina sibikhiba masi, amasung mongphambu ngamduna hinggatpikhibagi thabak adugi mapalnani, aduga masi aphaba wapao sandokpagi mapalna paptagi pukning hongduna thajaba amahektada lemna phanghalli. Mahakki nungsibana maram oiduna, Esorna Mahakki meesingbu khandokpi, hannasu langbi, yokpi, handokpi, kokpi, chumhanbi, yokpi, sengdokpi, aduga matik mangalda onthokpi.

(John 3:3; 1 John 2:2; Rom. 5:1; 1 Peter 1:3; Eph. 2:8; Titus 3:5; Eph. 2:9; John 3:16; Eph. 1:4, 5, 7; Rom. 8:30)

8. KHANDOKPIBA

Eikhoina thajei madudi, Khandokpiba asi Esorna taibangpal houdringeidagi meesing kharabu Khristagi mapalna lomba naidaba punsigidamakta khanbibagi achouba thabakni; ateibuna makhoigi papki thouwong singda chap chana manghannabagidamakta thadokpi. Masigi khandokpiba asi khandoklaba meesing aduga thajaba nattraga aphaba thabaksing adu hanna urabagi, nattragana hairiba aduda kuina khangba adu hanna khandoklabagi, nattragana meeoi aduda yaoba karigumba amahektana maram oiraga, nattraga maduna Esorbu honghanba ngambagi maramna nattana, Mahakki lomba naidaba amasung hongba leitaba maramgi, aronba Mahakki wakhallon amasung mahakki aningbagi aphaba apenba adugidamakta, lomba naidaba matik mangal adugidamakta Jisu Khristada Mahakki lemna pibiba thoujal amasung nungsiba adugi mapalna Khristada khandokpibani, Matik mangalna thanba Mahakki thoujal aduda thagatpa pumnamak oinanaba.

(Rom. 8:28-30; 11:5-6; Eph. 1:4-11; 2 Thes. 2:13-14; Acts 13:48; 1 John: 4:19; John 15:16; 2 Tim. 2:10; 1 Peter 1:1-2; Titus 3:4-7.)

9. THAWAGI NOUNA POKPA

Eikhoina thajei madudi, meepum khudingmak, makhoigi phurup, kuchu, amatta khaidana pumnamak makhoigi papsingda sina poklak-e. Makhoi masagi mapalna makhoina masabu kanjaba ngamde. Thawaigi oiba nouna pokpa asida, Esorgi thawai asengbana thamoising hongdokpi, papta siramba meesing aduda anouba punsi pibi, aduga Makhoibu paptagi pukning hongduna Aphaba Wapao da thajaba ngamhanbi. Biblegi matung inna, thawaigi nouna pokpa asi angakpa, manungthangbagi oiba, thawaigi oiba, uba ngamdaba Esorgi Thawai Asengba khakki oiba thabakni amasung masi namduna, themduna, nattraga khoidahanbagi mapalna oithokpa yade.

(Rom. 3:10; Eph. 2:1; Eze. 36:26; John 3:5-6; Eph. 2:5; Eph. 1:13; 1 Peter 1:23-25; Titus 3:5-7)

10. PUKNING HONGBA AMASUNG THAJABA

Eikhoina thajei madudi, Pukning hongba amasung thajaba asi khaidoknaba yadraba, nouna pokhanbiba Esorgi thawaina eikhoigi thamoinungda toubiba, thabak amani; masida eikhoina eikhoigi eralsing, khudongthibasing, amasung pangal thoktaba aduga Khrista na arankhubam gi lambi oiba adugi matangda tarang tarang thamoina khangjaduna, asengba thamoi kaibaga loinana, pap adu esana yana haidokchaduna, amasung minungsigidamakta Esorlomda maionba adubuni; asigi matam asimaktada thamoina yajabaga loinana Prabhu Jisu Khristabu eikhoigi Maichou, Purohitlen, amasung Ningthou oina lousinjaba, amasung Mahak khaktabu mapung-pumnamak pharaba, amakhakta ngairaba Kanbiba Mapu oina mangonda ngajaba adubuni.

(Mark 1:15, Acts 11:18, Eph. 2:8, I John 5:1, John 16:8, Acts 2:37-38, Acts 16:30-31 Luke 18:13, Luke 15:18-21, James 4:7-10, II Cor. 7:11, Tim. 10:12-13, Ps.51, Rom. 10:9-11, Acts 3:22-23, Heb. 4:14, Ps.2:6, Heb. 1:8, Heb. 7:25, II Tim. 1:12)

11. DHARAMACHENBA OINA SINGTHANABIBA

Eikhoina thajei madudi Dharmachenba oina Singthabiba asi Thajabasingna (Christian) Jisu Khristabu thajabagi mapalna phangba Aphaba Wapaogi achouba khudolni. Esorna makhoigi pap khudingbu kokpibagi mapalna Mahakna meesingbu Mahakki mityengda dharmachenba oina laothokpiba wayelgi thouwongni aduga masida Khristagi dharmachenba adu makhoigi oina singthanabi (hapchinbi). Hairiba asi amuktada, amukkhakki oina matam pumnamakki oiba Esor khaki oiba thouwongni, masida Mahakna Mahakki thoujalgi mapalna pap chenbasingbu achumba amasung dharmachenba oina singthanabi. Atoppa waheida, Dharmachenba Oina Singthanabiba asida, papchenbasingbu Khristaga manare haina laothokpibani. Dharmachenba Oina Singthanabiba asi Khrista khaktada thamba thajaba adukhakki mapalna thoujal khakna phangjabani.

(Rom. 4:25; 5:1; Gal. 2:16; Rom. 3:24,28)

12. SENGHANBIBA

Eikhoina thajei madudi, Senghanbiba asi Khristaga manaba aduda chaokhatpagi nongma-nongmagi oiba thouwongni. Hairiba asi meeoi amagi manungthangba thawaigi asengba ahongbani, masigi mapalna Esorgi asengbada saruk phangminnabasing oihanbi. Masigi thabak asi nouna pokpa matam adudagi houkhrabani aduga madu houjik-houjik thajakhrabasinggi punsi amasung thamoisingda Esorgi Thawai Asengbagi leibiba amasung pangalgi mapalna makha tana chatthari. Eikhoida pinabikhraba thoujalgi hiramsing haibadi, Esorgi wahei, thajabasinggi punminnaba, haijaba, esana-changyengjaba, esana esabu yajadaba, mitsel khangba, asinachingba sing asi eikhoina sijinnabagi mapalna eikhoina Khristaga mannaba aduda onthoknaba Thawai aduna eikhoida thabak subi.

(John 17:17, 19; Phil. 1:6; Gal. 5:22-23; 2 Cor. 3:18; Phil. 2:12-13)

13. NGAK-SENBIBA

Eikhoina thajei madudi, loiba phaoba thajaba yana khangbasing adukhak asengba thajabasingni; aduga makhoina khangba kanbada Khristada leiba asina makhoibu chilhaigi khak oiba aranba thajabasingdagi khaidoknaba achouba khudamni; aduga makhoigi mathakta akhannaba Esorgi ngak-senbiba aduna makhoigi phanabagidamakta yengsinbi haibasu khangba ngammi, amasung makhoibu arankhubam phaoba thajabagi mapalna Esorgi pangalna thambibani.

(John 8:31; I John 2:27-28; I John 3:9; I John 5:18; I John 2:19; John 13:18; Matt. 13:20- 21; John 6:66-69; Job 17:9; Rom. 8:28; Matt. 6:30-33; Jer. 32:40; Ps.121:3; Ps. 91:11-12; Phil. 1:6; Phil. 2:13; Jude 24:25; Heb.1:14; II Kings 6:16; Heb. 13:5; I John 4:4)

14. BAPTISE LOUBA

Eikhoina thajei madudi, Baptise louba asi Prabhu Jisu Khristana Aphaba wapao adubu utthoknaba mahakna singlupkidamakta pinabiraba chatnabi amani. Christian gi Baptise toubada, Esorlomda pukning honglaba, Prabhu Jisu Khristada thajaduna, Mangonda haiba illaba kanagumba meeoi amabu esingda eruptuna, Mapa, Machanupa, amasung Thawai Asengbagi mingda baptise touwi. Masi eikhoina paplomda siduna, Jisu Khristada anouba punsi oina hinggatlaba adubu takpa sakhini. Baptise louba asina eikhoida arankhubam pide, adubu hairiba asi Christian amagi nungda subiba Thawai Asengbagi thabak adubu mapanthokna phongdokpani. Hairiba thouwong asida thajaraba amana mayam mamangda Khristada masabu pisinjaba, Mahakka amatta oiraba, Mahakki singlupta changduna saruk phangminnaba, amasung taibangpanbadagi tongallaba mee ama oirabani haina utthokpani.

(Matt. 28:19; Acts 2:38; 22:16; Titus 3:5; Romans 4:11; 6:3-4; Gal. 3:27; Romans 6:5; Acts. 2:41; Matt. 28:19,20)

15. PRABHUGI CHAKKHANG

Eikhoina thajei madudi Prabhugi Chakkhang asi Aphaba Wapao bu utthoknaba Prabhu Jisu Khristana Mahakki singlup ta pinabiraba chatnabi amani. Hairiba asi singlup manungda leiba baptise touraba meesingna Jisu Khristagi amuktada matam pumbagi oiba Cross ta katthokpiba adubu taibangpalgi aroiba phaoba ningsingnaba pangthokpani. Prabhugi chakkhang da, tal amasung drakha mahi aduna Mahakki meesinggi papsingbu kokpinaba kaikhiba Jisugi hakchang amasung tabikhiba Mahakki Ee adubu takpani (symbols). Hairiba potsaksing (Tal amasung Drakha mahi) asi karigumba makhal amahektada atoppa maongda hongdokpa leite. Prabhugi chakkhang asi singlupkidamakta masabu thamoi sengna chang yengjanaba achaba pungpham amani. Hairiba asi eikhoigidamakta siba phaona nungsiba Jisu Khristagi nungsiba adubu ningsingminnabagi haraoba pungphamni. Singlupna chatnabi asibu Jisu Khristana amuk hallaktriba phaoba leppa leitana amatta oina pangthokkadabani.

(Luke 22:14-20; 1 Cor. 11:24-25, 28, 26.)

16. SINGLUP

Matam pumnamaktagi lon khudingda, lam khudingda, jatti khudingda leiba thajaba singgi thawaigi oiba amatta oiba adu eikhoina thajei. Makhoi khudingmak Khristagi hakchanggi kayatsingni, Khrista khaktana makok oiba, taibangpanba apumbagi oiba singlup amani.
Hairiba taibangpal pumbagi oiba Singlup asi singlup machasingda uba phang-ngi. Singlup macha amam-mam asi Esorgi emung ni, ahingba Esorgi mitin ni, amasung achumbagi yumpham amasung yumbini. Singlup macha asi chang naina Esorbu khurumnaba, amana amabu thougatnanaba, Esorgi wahei sandokpa tananaba, ahalsinggi (pastoral) senbiba amasung chumthokpiba phangnaba, aphaba wapao sandoknaba, amasung Khristana thambiramlaba chatnabising adubu pangthonabagidamakta pulliba baptise touraba thajabasinggi phurup adubuni. Singlup leibagi maramdi Esorgi matik mangalgi saktam utthoknabagidamaktani. Biblegi matung inna singlup machagi manungda leipham thokpa pham pubasing adudi singluppu luchingliba Ahalsing (bishops/pastors), amasung singluppu thougalliba Deacon sing (mateng pangbasing) asini. Khristagi hakchanggi amatta oiba asi singlup amagi manungda amasung atei atoppa singlup singgagi marakta leiba amana amagidamakta leiba nungsiba, khanbiba, amasung thougatnaba asigi mapalna utthok-e. Singlup singgi marakta asengba punminnaba asi Jisu Khristagi aphaba wapao aduda thajaba yana leppa matam adu khaktada leibani.

(Matt. 16:18; Eph. 1:22-23; Col. 1:18; Eph. 2:19; 1 Tim. 3:15; Acts 2:42; Heb. 10:24-25; Eph. 3:9-10; Acts 20:28; 1 Tim. 3:1; Acts 6:2-3; 20:28; 1 Tim. 3:1,8; Gal. 2:9)

17. MAYAMGI SARKAR

Eikhoina thajei madudi Meeyamgi Sarkar asi meeoibagi samaj na ingna pannaba amasung makhoigi kannaba adu tounanaba Esorna khandokpibani; amasung angam athousing asigidamakta haijagadabani. Eikhoigi Prabhu Jisu Khrista, eikhoigi apha-phatta khangnaba wakhalgi Prabhu amasung taibangpalgi ningthousinggi mathakta palliba Ningthou, Mahakki aningba adugi maiyokta tourakpa nattraga oirakpa hiramsing khaktada nattanadi, chingnaba leitaba wakhalna makhoigi haiba ingadabani amasung makhoibu ekaikhumnagadabani.

(Rom 13:1-7; Deut 16:18; 2 Sam 23:3; Ex 18:23; Jer 30:21; Matt 22:21; Titus 3:1; 1 Pet 2:13; 1 Tim 2:1-4; Acts 5:29; Matt 28:1-20; Dan 3:15-18; Dan 6:7-10; Acts 4:18-20; Matt 23:10; Rom 14:4; Rev 19:16; Ps 72:11; Ps 2:1-12; Rom 14:9-13)

18. LUHONGBA

Eikhoina thajei madudi Luhongba asi Esorna langbiduna lingkhatpikhibani. Hairiba asi Mahakna waleppaga loinaba, nupa-nupigi hakchanggi mari, maroi-manao naina pannaba, punsigi oina (hakchanggi oiba) nupa amaga (hakchanggi oiba) nupi amagagi marakta mapuroiba amasung khongloi oina amatta oina leiminnanaba matik leiba Mahakki thourangni. Masi Esorna mapuroiba amasung nupi gi marakta amana amabu mateng pangnanaba Esorna thourangbikhibani, masigi mapalna Khrista amasung Mahakki keinya, singlup anigi marakta leiba walepnabaga loinaba nungsiba adu utthoknabani.
Eikhoina thajei madudi nupa amana chap manaba matamda nupi amadagi henna leiba, nattraga nupi amana matam amattada nupa amadagi henna leiba asi Esorgi waheigi matung inna amasung chatna pathapki matung inba oide.
Wakhal khanthaduna masana ayaba piba ngamlaba meesingsingna luhongba asi chatna pathapki wangmada natte, touwigumbasung Christian singgi mathoudi Prabhu da luhongba aduni. Asina maram oiraga makhoina thajadabasingga (Jisu bu kanbiba Mapu amasung Prabhu oina thajadabasing), nattraga lai murti latpasingga (Asengba Esor ama adubu khurumdabasing) luhongduna mannadabada potpu puminnaroidabani. Masi eikhoigi Prabhuna Asengba Bibleda pibiramba yathangni.

(Gen. 2:18, 24, 24:57,58; Prov. 2:17; Nehemiah 13:15-17; Matt. 19:5,6; 1 Cor. 7:36-39; 1 Tim. 4:3; Hebrews 13:4.)

19. TUNGDA LAKKADABA MATAM

Eikhoina thajei madudi taibangpanbagi aroiba matam aduda, Prabhu Jisu Khristana Mahakki matik mangalga loinana amuk lengbirakkani. Esorna asibasingbu amuk hinggathanbigani amasung dharmachenbada taibangpanbabu eikhoigi Prabhu Jisu Khristagi mapalna wayengani. Phattaba meesing (Jisu Khristabu yadabasing) na anouba sarga amasung anouba prithibida lomba naidaba punsi phangloi. Anouba khutsem aduda pap, anaba, cheina, amasung asiba amatta leiraroi.

(Acts 1:11; 1 Cor. 4:5; Rev. 22:20; 1 Cor. 15:52; Heb. 9:27; John 3:36; 5:28-29; Acts 24:15; Rev. 20:15; Isaiah 65:17; Rev. 21:1,4,27.)