HOUSE OF BARNABAS

HOUSE OF BARNABAS

A Residential Discipleship Ministry

House of Barnabas Asi Karino?

Thougal asi Gospel Community Church, Manipur gi thougalni. Hairiba asi Imphal Sahar da lairik makha tamthariba amasung Chrstian gi thougal touningba naha oiriba nupasingda tendam oiba thougal amani. Hairiba nupasing asina singlupna piba yum da leigani. Singlupki thabak thouram amasung punsida makhoisu saruk yagani. Singlup na makhoi khudingmakpu hiram kayamarumdagi sebok sembagi thabaksing tougani. Hairiba asi makhoida Bible karamna pagani haina tambibadagi houraga singlupki membersingdagi amaga Christian gi oiba lairik paminnaba asinachingbasing asini. Asikhaksu nattana makkhoina computer gi oiba basic knowledge amasung atei punsida heitaba yadraba hiramsing su tambagi khudong chaba phanggani. Thougal asi nupasingbu Christiangi thougalgidamak semgat sagatpagi apamba adudagi hourakkhiba amani.

Thougal Asigi Pandam Karino?

Naha oiriba nupasing Esorgi oiba lambising amasung hiramsingda chaokhatpa asi eikhoigi singlupki apambani. Eikhoina hairiba nupasing asina eikhoigi Prabhuga loinana nakna chatpa punsi adusu uba pammi. Asikhaksu nattana, makhoibu Christian gi thougalda, maru oina singlup pu thouganbagi thougalda saruk yanaba thougatpa pammi. Karigumba eikhoigi Prabhuna nupasing asigi maraktagi khara da Christian gi thougalgi apamba pibiraba, aduga hairiba adu singlupna khanglabadi, makhoina Esorbu amasung Mahakki meesingbu mapung phana full-time ministry da thougannabagi damak ningthijana sem sanaba theology tamnaba thougatkani aduga mateng su panggani.

Matou Karamna Meeoi sing Asina Hinggani?

Leikhraba nupasing asina makhoigi mahei masing adumak tamduna leigani. Makhoina makhoigi lairiksing pananaba awokpa matamsu pigani. Aduga hairiba asida nupasing asina thajaba yana hinggani haiba asi singlupki ashani. Hairiba asiga eroinana, makhoi khudingmak singlupki punsidasu saruk yagani. Singlupki Esor khurumba meetinsing, Bible study sing, aduga singlupna sil-langba thouram khudingmaktasu. Singlupki buildinggi akoibasing luna nanna thamba, Esor khurumbagi maphamsing sendokpa, asinachingba thabaksing asigi mapalna makhoinasu Singlup pu thougal tougani. Hairiba khudingmak sing asida makhoibu saruk yahanbagi thoidokpa maramdi, makhoina ateibyu thougal toubagi punsi adu tamduna maduda chaokhatnabagidamaktani. Maramdi eikhoigi Prabhu Jisunasu masabu thougal touhannaba lakkhiba natte adubu tougal tounaba lakkhibani (Mathi 20:26-28). Aduga leikhraba nupasing asina makhoigi punsi apumbana Khristagi matou tamba asi eikhoigi apambani.

Kanana Saruk Phangba Yagani?

Houjikmakki oinadi, hairiba thougal asi yum pandriba amasung thajaba nipasing oigadabani.

Matou Karamna Thougal Asida Eihakna Mateng Pangba Yagani?

• Maru oina, eikhoigidamak amasung thougal asibu mahei yanabagidamak haijabiyu.
• Nahakna mateng pangba yaba maram amadi, Imphal da lairik makha tamthanabagidamak lakpa nupamachasing khangba leirabadi eikhoida makhoibu sak khanghanbiyu.
• Aduga karigumba nahak nasamak eikhoiga loinana leiba pamba oirabadi, chingnaba leitana eikhoida pao phaobirak-u.
• Karigumba thougal asida pot-cheigi khuthangdagi, nattraga sel gi mapalna mateng pangbininglabadi, eikhoida pao phaobirak u aduga eikhoina haraona adomgi mateng pangjagani.
• Eikhoigi email asida soidana pao phaobirak-u: contact.gcchurch@gmail.com contact.gcchurch@gmail.com

Makhada pijariba link asidagi Brochure sing download toubiba yagani.